Parto de Min · O territorio da saúde
o III Congreso Parto de min abre unha nova etapa centrada no territorio como xerador de saúde. Tras dúas edicións dedicadas á reivindicación dos dereitos do parto e a transmisión de saberes, ampliamos a mirada cara a salutoxénese, poñendo o foco nos recursos, nos vínculos e nas condicións que fan posible o benestar individual e colectivo.
VINDICACIÓN DO DEREITO AO TERRITORIO COMO XERADOR DE SAÚDE
O rural, o coidado, a sustentabilidade e a conexión coa contorna convértese nos eixos deste encontro no que entendemos os procesos vitais como parte dun ecosistema social e territorial máis amplo.
Lalín: Edificio Sociocultural Manuel Rivero
O 9 de maio de 2026, en Lalín (Edificio Sociocultural Manuel Rivero), reuniremos proxectos e experiencias que fan do territorio unha fonte de saúde, equilibrio e futuro compartido.
Algunhas verbas
Sobre o Evento
Misión
Visibilizar e fomentar proxectos e comunidades nas que se vive en harmonía coa contorna, respectando os ritmos naturais dos ecosistemas galegos, fomentar redes veciñais sólidas e xerar tecido económico que faga posible a vida no rural.
Visión
O obxectivo do III PDM é poñer en diálogo saberes, prácticas e experiencias arredor do coidado desde unha perspectiva salutoxénica, enfocándonos nos factores que xeran saúde: a contorna, a cultura, os vínculos, a alimentación o traballo, a terra… En definitiva, ”O territorio como espazo de saúde”.
Valores
DIGNIDADE AUTONOMÍA HUMANIDADE EXPERIENCIA PRACTICIDADE INCLUSIÓN
para iso contamos neste congreso con grandes profesionais de diferentes ámbitos: desde o científico, o sanitario e o agrícola, ata a cultura e o xornalismo ou a construcción. un elenco no que por enriba da súa cualificación, sobresae a humanidade e sensibilidade cara a terra e as súas xentes.
Obxectivos de parto de min
Dar visibilidade a proxectos e profesionais que coidan da vida e da contorna.
Fomentar a economía circular e de proximidade.
Favorecer o debate na sociedade sobre as relacións humanas, económicas e culturais.
- Explorar experiencias e saberes vencellados ao coidado, á sustentabilidade, aos vínculos comunitarios e á recuperación do equilibrio entre corpo, contorna e vida cotiá.
Avanzar cara un recibimento rodeado de respecto ás crianzas que nacerán, ás mulleres, ás familias e por extensión, á sociedade.
Prezos
| Tipo de entrada | prezo | observacións |
|---|---|---|
| toda a xornada | 75€ | Prezo para socios de Fundación Eomaia ou Asociación Mudare: 67,50€ |
| media xornada | 50 € | Prezo para socios de Fundación Eomaia ou Asociación Mudare: 45 € |
Programa
participantes
Máis palabras
sobre o organizador do evento
Nesta III edición seguimos sumando, e o equipo que organiza o congreso conta coas colaboracións, ademais de Fundación Eomaia e a Asociación Pedagóxica Mudare, de tres mulleres ligadas á saúde; Sofía González Salgado, Blanca Sendón e Carol Satrate que uniron as súas andanzas ao noso viaxe.
Localización
Edificio sociocultural da rúa Manuel Rivero
Contacto
Mans De Confianza Detrás De Nós
Patrocinadores
CONSIDERANDO QUE TODAS AS MULLERES E HOMES NACEMOS E POSUÍMOS A CAPACIDADE DE CREAR, TODAS SOMOS AXENTE DE CAMBIO NA BUSCA DA SAÚDE EN COMUNIDADE.
Non esquezas comprar as túas entradas e introducirte no mundo que parte de ti.